Bengt Pohjanen
Sammuta veikkosen se lamppu
Meänmaassa oon aina syntyny paljon kläppiä helmi- ja maaliskuussa. Se johtuu tietenki siittä, ette kesä- ja heinäkuu, olletiki juhanusaiijat, olit siittämisen ja rakhauen aikaa. Paarmuskala oli kolo hoppu ja hevoset vahtesit ko sitä viethiin kylästä toisheen. Lyytia-paarmuska oli kerran yhessä kylässä auttamassa lasta mailhmaan ko sähkö katkesi. Mutta sillä oli plakkarilampuu ja sillä se pärjäsi. Ensin tuli yks ja sitte toinen. Ko kolmas kläppi alko paihnaan ulos talon isäntä huusi: ”Sammuta veikkosen se lamppu, se valo niitä tänne vettää!”