Meän herrat
freistasit multa ottaa kielen
mutta valtio anto mulle tukea
ja mie piin siittä kiini
opin vielä suomenkielenki koulussa
ja viis muuta kieltä.
Meän herrojen lapset
oon onnistunheet siinä paremin,
net oon ummikkoina meänkielisiä
ja eustava meitä metioissa
ja puhuva seminaarissa
kunka valtio heiltä vei kielen,
joka oon heän vaikka
net ei sitä puhu,
ei minu joka sitä puhun.
Sano nimesti, sen ostetun
mie sanon sulle mitä äänestät,
ja tiän, ette isovanhemmat
olit lestaatialaisia
ja vanhemmat aatheen stalinista.
Sano kenen kans menit naimishiin
sanon mitä äänestät.
