Jeremiaadi ponnen aikoina
Mie käänsin Raamattua
kaheskymmenes kaheksas kirja valmistumassa
ko suussa sytty Jeremian tuli
ja pieni tottuuen kekäle pääsi
kokkouksessa suupielestä
yks arotti änkyttäen
toinen taalinalainen sepätteli äimää
ja kolmas alapäätti naama punasenna
alapään löyhkää levisi
ja neljäs kuto ponnela suuni kiini
ja mie, no mie istun rannan talon kaivossa
jossa vettä ei ole vaikka
uuen lehon vesisunen karpala
haethiin juonia
ja rahhaaki kähvelthiin kaivoa varten
tänne ei sähköpostia woittele
mutta suussani pallaa tuli
sammumaton vaijetun kaivossa
silmäni kaltio
kyynelten lahja
Bengt Pohjanen