Tsokatsokk
Oli pakkasilta Meänmaan pienessä kylässä vuona 1957. Kaheksantoista lapsen pere istu iltapuurola. Isäntä luki Haaparannanlehteä ja väärtinnä teki lypsyle lähtöä. Pere oli musikaalinen. Uusi musikki oli jo kymmenisen vuotta aikaa savuttannu nuoret. Radio Luxembourgista kuunelthiin iskelmiä. Poikien huohneessa raatiu oli mellanvookila ja saksufoonin sykitys ja rummut ja muut pelisoittimet kuulit seinän läpi köökhiin. Tsokatsok tsokatsok tsotatsokk…Isäntä laski avisin polvele ja kuunteli. Tsokatsokki heivasi. Taas ko se alko lukheen tuli sammaa tskoatskokkaa. Silloin se laski avisin sohvale, nousi, huokasi ja sano: ”Pannupiru taasen kiehuu!”