Kaikin pithään hauskaa vain
nuoria ko olhaan.
Jälkhiin hauskan nuoruuen
Pääle kurjan vanhuuen
Meät perrii multa://:
Missäs oon net entiset
jokka täälä pehelsit?
Nouse ylös taihvaishiin,
astu alas helvethiin.
Sielä sie net kohaat://:
Lyhy elinaika oon
Lyhyks mennee aina
kuolo tullee kauhuna
hurja oon sen hyökkäys
kukas pääsee pakhoon://:
Eläkhöön akatemi
ja sen prufesoorit.
Eläkhöön sen oppilhaat
Ja sen koko veljestö.
Aina kukisansa;/;
Eläkhöön kans tyttäret,
komeat ko mikkä
hyvät kypsät vaimot kans,
jokka meistä tykkäävä,
virreitä ko olhaan://:
Eläkhööt kans valtio,
johtajat sen myötä,
eläkhöön kans kaupunki,
jossa pörsi auki oon,
olkhoon meile suojaa://:
Menkhöön hiitheen ikävät,
joka meitä vihhaa,
tiehens menkhöön pirut kans;
joka meitä moittiva.
Hiitheen kaikki menkhöön://:
Miksis tänne tullu oon
akateemikkoja?
Kaukaa tänne kostunheet.
Äkkiä net kiipesit.
Parhaat paikat otit://:
Eläkhöön nyt roikkamme!
Oppilhaatki kaikin.
Tottuus yksin johtakhoon.
Veljeskunta kukkikhoon,
herrat, kansa, kaikin://:
Alma Mater kukhiinn vain!
Ko se meitä ohjaa.
Ystävyys ja kaveruus
aina etumaiseksi.
Näin se meile passaa://:
Meänkielennös: Bengt Pohjanen