MEÄNMAAN PÄIVÄ MATARINGISSA

Meänmaan päivää 15. jyyniä juhlithiin 2016 Mataringissä kymmenettä kertaa. Tämä juhlapäivä oon Ruottin Akatemian Almunakassa.

10.00 meän flaku tangothiin sekä Pohjoskalotin kulttuurikeskuksessa ette Mataringin markkinoila. Kansanopistolla/Kulttuurikeskuksessa hissasit flakun Anneli ja Matti Junes. Markkinapaikan osottamolla sen teit Bengt Kostenius ja yks paikalinen järjestäjä. Laulethiin ”Oi terve kaunis meän maa” ja ”Väylä oon aina ollu” .

Flakun hisaamisen jälkhiin olit Meänmaan tinkerit Pohjoskalotin Kulttuurikeskuksessa. Bengt Pohjanen oli puhheenjohtaja Matti Junes sihteeri. Mattia muistethiin lahjala, ko hään oli mukana ensimäisellä kerrala ko Meän flaku otethiin käythöön. Myös siksi, ko hään oli justhiinsa täyttäny pyöhreitä vuosia.

Tulevan vuen suunitelmissa oon esittää Kielikeskuksen paikaksi Mataringisssä jo olemassa olevaa Kieli- ja kulttuurikeskusta. Se oon rajala väylän varrela, ja sielä on jo laajat kokoelmat arkistoita, missä oon vanhoja tekstejä ja kirjalisuutta sekä vasta ilmestynheitä lehtiä ja kirjoja sekä tutkijoile ette tavaliselle kansale käytettäväksi. Se oon kovan työn takana ollu ette oon Kielikeskus saatu tälle mallile. Marita Mattsom Barsk oon tehny suuren työn.
Päätettiin kans, ette otethaan käytänthöön vuosittain jaettava kunniajäsenen tiplomi henkilölle, joka oon erikoisesti ansioitunnu ja tehny työtä meänkielen hyväksi.

Tulisieluja tinkereilä Anneli Junes ja Tyra Helena Lindström.

Kello 12:00 Bengt Pohjanen piti markkinoitten avvauspuhheen.
Hään kans laulo
EY:n desperanton kielelä laulun. Laulethiin taas yhessä Meänmaan lauluja ja sitte lähettiin kattelheen markkinoita.