Kirjailija Lina Stoltz oon kymmenennen kerran järjestänny neljän päivän leirin nuorile.
Meänmaa kävi vierailemassa kursila. Lasten ja nuorten into tuntu olevan jopa palava.
Kursilaiset saava kirjotta, maalata, piirtää, tansata ja kokkeila traamaa. Meänkieltä kuulu sielä kans ko laulethiin Pää pää valkea lammas-laulua ja koreokraafiissa kuulu kans meänkielen tahtia.
Cathrine Henriksson Guerron oon tansiopettajana kursila.
Alma Bencivenni oon kuvvaaja ja opettaa tässä lapsile muotoilua. Lapset leikkaava innoishaan ja kertova Meänmaale, ette huomena het saava näyttää yleisölle mitä het oon oppinhet.
Fredrik ja Hanna Ek hoitava traamapuolen.
Meänmaa kuulee kunka lapset jo sanova, ette ensi vuona het tuleva taas kursile.
Kursista vastaava kirjalija Lina Stoltz:
– Olen halunu näinä vuosina lapsile ja nuorile antaa innotusta kehittää luovuutta. Ei tiä vaikka sielä olis joku kirjailija, maalaaja, tansaaja, koreokraaffi…
Katto viiteo kans:
MEÄNMAA
YLISKAINUS 30.7.2016