Meänmaa-föreninkin flakupäivä

IMG_3939 IMG_3961

MEÄNMAA

Meänmaan yhistys, http://www.meanmaa.net, oon perustettu 15. heinäkuuta vuona 2007 Mataringissä. Sinä päivänä vietethiin kans ensimäistä kertaa Meänmaan päivä ko Meän flaku nostethiin tankhoon. Päivä oon vuesta 2015 merkitty Ruottin Akatemiin, Svenska Akademien, kalenterhiin nimelä Tornedalingarnas dag. Yhistys oon tämän päivän aikana pitäny Tinkerit joko Mataringissä tahi Kattilankoskela.

Meänmaan päivän ohjelma oon joka vuosi sisältänny flakun tangottamisen Mataringin kansanopiston kartanolla. Siihen oon lisätty erilaista toimintaa. Menheinä vuosina oon käyty Antti Mikkelinpoika Keksin muistomerkilä Korvassa. Viime vuona oli kans esitys Luppiovaarala ko kuoro ja solisti Carina Stenberg ja kirjailia Bengt Pohjanen osotit kakskielisen osotelman Suutelmanaikaa Luppiovaarala/Kysstid på Luppioberget.

Vuosikokkous piethiin Kattilakoskela. Kuvassa vasemalla yhistyksen jäseniä ja oikealla Bengt Pohjanen kattoo kuvakirjaa, joka oon lahja Bengt Pohjaselle ko se täytti 70 vuotta. Kuvakirjan oon toimittannu Fil tri Hannu Töyrylä Helsinkistä.

Kategoria(t): Föreeninki, Ylheinen. Lisää kestolinkki kirjanmerkkeihisi.

Vastaa

Sähköpostiosoitettasi ei julkaista. Pakolliset kentät on merkitty *