ANTTOLOKII – HISTUURIALINEN TAPAHTUMA

ANTTOLOKII – MEÄNMAA 1-2. 2015 (Num 29)

Meilä kävi viimi vuona niin hullusti, ette paljon homman keskelä, en havanu tehä tukihakemusta Meänmaa-avisille vueksi 2015. Mutta ei mikhään niin pahhaa, etteikö siittä koitus jotaki hyötyöä – jopa hyvvää, näessi, meilä oli röörissä aatos tehä meänkielisen kaunokirjalisen ANTTOLOKIIN ja niinpä mie ehotin Hannu Alatalole, jonka kans kokosimma teksitä, ette painatamma anttolokii kahessa osassa MEÄNMAA-AVISINNA.

Nyt se oon tullu ensimäinen osa ja sitä saattaa tilata tästä: info@sirillus.se

.Aikakausaviisi 1-2 2015 kannen kuva

Mutta se ei vielä siihen jääny. Meän ”alttiallu”, fil tri Hannu Töyrylä, Helsinkistä, alko porisheen nettiavisista. Tässä se nyt oon ja tullee olheen. Tänne saapi kirjottaa ja panna tekstiä mulle, mie värteeraan ja katton jos net oon sopivia MEÄNMAA-NETTIAVISHIIN.

Meänmaassa 21.4.2015

Bengt Pohjanen

Kategoria(t): Kylttyyri. Lisää kestolinkki kirjanmerkkeihisi.