Roger Melin
Bibliotekarie i Överkalix, författare. Publicerat åtta böcker. Utkommer
med en roman, Morkullans land, i september 2015.
Piplutekaarie Ylikaihnuussa, kirjailia. Julkassu kaheksan kirjaa. Julkasee romaanin, Morkullans Land, syyskuussa 2015.
Kokoelmasta Vesi näkkee sen mitä ei ole mutta oon ollu: pyhhinvaeltajien kenttäkäsikirja
Linnut ilmottavva
Linnut ilmottavva ette olen saapunu,
lailansa net antava kuula minun äänen.
Vuosia olen tuntenu ette ei ole välikättä,
ei ole helppoa laittaa ommaa itteä
ymmärtäväiseksi tieverkostoksi,
siihen tarvithaan suuren määrän tietoja
ja puohien tarjontaa,
piiain jokhaisheen aatoksheen,
joista en saa kylliksi.
Linnut antava ilmottaa,
rinnan sisäpuolela,
tahi muitten, sieltä sitä oon,
vähänen suuruus,
pienentynny aarea,
siinä mikä minhuun sattuu,
tahi sanosinko,
siihen mikä hakkee minut
siinä oon jotaki joka sulkee käet
meritiaanin ympäri.
Mie en killaa itteä,
en ole hauras,
missäs on jotaki
mikä käypi kaiken ymmäryksen yli,
et sie ole jotaki mitä saattaa ostaa
tavalisilla härkämarkkinoila,
oon rohki soma olla kesäkuussa,
ko se laajenee,
et sie kuulu
mihinkhään hullunfiihniin isolisväkheen ja sulla oon
tietoa omasta leimasuuesta.
Meänkielennös: Bengt Pohjanen