Haaparannan pipluteekissä olevassa taitheen hallissa austahiin 3. helmikuuta herkkä ja puhutteleva näyttely. Jonatan Henriksson (1990-2013) oli lahjakas kuvataiteilija, joka kaikessa hiljasuuessa kahen-kolmen vuen aikana maalasi suuren määrän tauluja, jokka sekääri loohviin eikä näyttäny.
Jonatan Henriksson Stokholmissa taitheen tutustumisreisula
Huhtikuussa 2013 nuori taiteilija katosi ja löyethiin kappalheen matkan päässä kotoansa Luulajassa kuohleena. Joku aika sen jälkhiin nuoren taiteilijan vanhemmat löysit teokset ja sen isä alko laithaan niitä raahmiin. Ja nyt oli aika auasta näyttelyn.
Väkeä oli tullu kaukaa, jopa Transsylvaniasta saakka ko Enikö Molnar Bodrogi oli lähättänny runon tilasuutheen. Marita Mattsson Barsk luki sen ja se liikutti kuulijoita.
Löy’yt
jotenki jostaki –
tiäthään, ette sinua ootethaan
mieki, joka en ole koskhaan nähny
enkä tuntenu sinua
ko vain valokuasta
netistä
istut ujona
kamppinkitoolila
maalauksesti eessä
tämä sie olet
tuntematon äänesti
pusertuu
meren ja taihvaan välilä
outo pastelliuni
missäs kuljet, haaveilija?
seuratkhoon askeltasti siuhnaus
rakhaittesti syämet
varjelkhoon sinua
kotia oottamalla tielästi.
Du är att finna på något sätt någonstans
– du vet väl, att du är väntad
Även jag, som aldrig sett dig inte känt dig
annat än som foto på nätet
Du sitter blygt på en campingstol
framför dina målningar
Det här är du din för mig okända röst
pressa fram mellan havet himlen
en främmande pastelldröm
Var reser du, drömmare?
Må välsignelser följa dina steg
Dina käras hjärtan må bevara dig
på dina vägar hem där du är väntad.
Kuvat oon herkkiä ja puhuttelevia.
Nimetön taulu…
Kuvat: Lasse Stenman
MEÄNMAA
HAAPARANTA