30- ja 40-lukulaiset oon niitä polvia, jokka oon kantanheet raskhiimat kuormat olleshaan painostettu minuriteetti Tornionlaakossa. Nämät polvet oon kans kytkentöjä tulevaisuutheen. Kieli ja kulttuuri kuuluva yhtheen. Net kantava meänkieltä vielä. Nyt STR:Tn nuoret, Johanna Sirkka ja surnalisti Ida Brännström hyökkäävä syyttävä joitaki mainitusta sukupolvesta, ette net estävä nuoria käyttämästä meänkiltä. Mutta net ei tarkista kukka nämät harvat oon, jokka estävä heitä. Hanna AIli, Arbogasta, oon tämän raportin tehny.
Tämä raa’an ja loukkaavan syytöksen saattaa lukea STR-Tn kotisivulta, joka saapi valtion rahhaa tähään työhön.
Näin Hanna Aili kirjottaa:
”Juuri tämä stantartiseerinki saattaa olla estävä, ainaski silloin ko niin sanotut meänkielenaktivistit antava ittele tulkinan etuoikeuksen. Hannan tuktinossa kerrothaan joista vanheeman polven ihmisistä, jokka paneva rajoja kielele ja sillä sulkeva olus monia.”
Siihen yks vanheeman polven ihmisistä reakeeraa näin: ”Kukkas oon net harvat vanhaat, joihin Hanna Aili och SRT-Tn nuoret hyökkäävä MET-avisissa ja tutkielmassa? Mikä raaka syytös! Kukkas oon net vanhaat jokka paneva näile rajoja? Mie en tunne yhthään! Ja mistäs kieliaktivististä nämät puhuva? Niin sanotut! Artikkelissa ja tutkielmassa viitathaan Ida Brännströmhiin, joka tietääksheni oon ainua joka valtion hälle maksamassa raprtissa kieltä meänkielisen avisin olemassaolon ja syrjii henkilöitä vaikeneamalla heän olemassaolsosta. Näitten aatheen juuret pölättävvä. ”